Qostanaı oblysynda 90 qyzmetker baspanaly boldy
QOSTANAI. QazAqparat - Qostanaı oblysynyń ákimi Arhımed Muhambetov jańa baspanaǵa qol jetkizgen rýdnyılyqtardy qonys toılarymen quttyqtady, dep habarlaıdy QazAqparat tilshisi.
Jańa úıdiń qurylysy qurylysyn «Qazaqstan Ipotekalyq Kompanııasy» AQ men Eýrazııalyq top (ERG) kásiporny júrgizdi. Ózara kelisilgen turǵyn úı baǵdarlamasyna sáıkes, jańa páterler «Sokolov-Sarybaı» ken óndirý basqarmasy (SSKÓB) qyzmetkerlerine berildi.
Jas otbasylardyń shańyraǵyna bas suqqan aımaq basshysy úı ıeleriniń tynys-tirshiligimen tanysty. Jumys barysy men tabysy, jalpy jas mamandarǵa jasalyp jatqan jaǵdaılarǵa qanyqqan Arhımed Begenjanuly úı ıelerine syı-sııapat jasady.
«Bul úıdiń qasbeti jańa, jaıly ári jaqsy abattandyrylǵan. Balalar jáne sport alańqaılary bar aýla úıdiń kishkentaı turǵyndary úshin súıikti demalys orny bolatyndyǵyna senimdimin. Aldaǵy ýaqytta Eurasian Resources Group «Nurly jer» baǵdarlamasy aıasynda birneshe turǵyn úıdiń qurylysyn qolǵa almaq, - dedi SSKÓB AQ prezıdenti Bereke Muhametqalıev.
Sońǵy birneshe jyl boıy Eýrazııalyq top óz qarajatynyń esebinen 10 mlrd teńgege úsh myńǵa jýyq otbasyn pátermen qamtamasyz etti. Endi, mine, taǵy 90 qyzmetker qonys toıyvn toılady.
Rýdnyıdaǵy Sandrıgaılo kóshesindegi №63/1 bes qabatty turǵyn úıdiń qurylysy aıaqtaldy. Baspana áýeli kezekte turǵan jas mamandarǵa berile bastaıdy. Úı aýlasynda sport jáne oıyn alańdary ornalasqan.
