Qostanaı oblysynda 9 jasar bala sýǵa batyp ketti
QOSTANAI. QazAqparat – 9 jasar qostanaılyq ózenge batyp ketti, dep habarlaıdy QazAqparat.
Oblystyq TJD baspasóz qyzmetiniń málimetinshe, oqıǵa 23 mamyr kúni Naýyrzym aýdanynyń Qoja aýylynda bolǵan.
«Saǵat 15.00 shamasynda arnaıy jabdyqtalmaǵan jerde 9 jasar bala sýǵa batyp ketti. Qazirgi málimet boıynsha, ol aýyldyń shetindegi jasandy sý qoımasy mańynda oınap júrip, sálden soń sýǵa túsken. Qalǵan málimetter anyqtalyp jatyr», - delingen vedomstvonyń baspasóz habarlamasynda.
Qutqarýshylar ata-analarǵa balalaryn qaraýsyz qaldyrmaýdy, ózenge, sý qoımalaryna jalǵyz jibermeý kerektigin eskertedi.
