Qostanaı oblysynda 87 ǵımarattyń shatyry qırady
QOSTANAI. QazAqparat – Qostanaı oblysynda qatty boran men jeldiń saldarynan 87 áleýmettik nysannyń shatyry qıraǵan. Bul týraly Qostanaı oblysynyń ákimi Arhımed Muhambetov áleýmettik jelide jazdy, dep habarlaıdy QazAqparat.
Oblys ákimi búgin qala jáne aýdan ákimderimen keńes ótkizip, aýa raıynyń saldarynan zaqym kelgen nysandardy qalpyna keltirý boıynsha jıyn ótkizdi. Óńir basshysyna ár aýdannyń ákimi esep berip, jaǵdaıdy baıandady.
«Aýa raıynyń saldarynan bizdiń oblysymyzdyń 10 óńirinde 87 áleýmettik nysannyń shatyry zaqymdaldy. Búgingi tańda 3 óńirdegi 5 nysannyń shatyry qalpyna keltirildi, al qalǵan nysandardy jóndeý qysqa merzimde aıaqtalady jáne olar meniń jeke baqylaýymda. Qala jáne aýdan ákimderine, oblystyq basqarmalardyń jaýapty basshylaryna búlingen nysandardy qalpyna keltirý boıynsha jumystar júrgizip, shuǵyl sharalar qabyldaýdy tapsyrdym», - dep jazdy oblys basshysyInstagram paraqshasynda.
Búgin Qostanaı oblysynyń birneshe aýyl jaryqsyz qalǵanyn jazǵan edik.
