Qostanaı oblysynda 70 jeńil ónerkásip uıymy medıtsınalyq maska tige bastady
QOSTANAI. QazAqparat – Qostanaı oblysynda 70 jeńil ónerkásip uıymy medıtsınalyq maska tigedi. Bul týraly búgin Qostanaı oblysynyń ákimi Arhımed Muhambetov koronavırýs ınfektsııasynyń paıda bolýy men taralýyna jol bermeý jónindegi shtab otyrysynda aıtty, dep habarlaıdy QazAqparat.
«Aımaqta medıtsınalyq maska óndirisi júzege asyrylmaı kelgen. Soǵan baılanysty biz bul jumysty tigin óndirisimen aınalysatyn jeńil ónerkásip kásiporyndaryna usyndyq. Qazir jeńil óndiristiń 70 kásiporny kelisim berip otyr. Jaqyn arada jumys bastalady. Sondaı-aq oblystyń dárihanalyq jelileriniń ıeleri jergilikti óndirýshilerden qorǵanys maskalaryn satyp alýdy júzege asyrý qajet», - dedi oblys ákimi.
Óńir basshysynyń aıtýynsha, taǵy 20 kásipornynǵa medıtsınalyq maska tigýdi uıymdastyrý máselesi usynylady. Jalpy 17-29 naýryz aralyǵynda oblys boıynsha 238 myń qorǵanysh maskasy tigilgen.
Oblys basshysy qala jáne aýdan ákimderine kásiporyndardaǵy óndiris kólemin arttyrýdy, tigin tsehtary men ateleniń jumysyn tıimdi uıymdastyrýdy tapsyrdy.
Eń bastysy, maska satyp alyp, qymbatqa qaıta ótkizýge jol bermeý mindetteldi.
