Qostanaı oblysynda 70 adam qar qursaýynan shyǵaryldy
QOSTANAI. QazAqparat – Qostanaılyq polıtseıler basqa da múddeli qyzmettermen birlesip, Qostanaı-Rýdnyı avtojolynda 70-ten astam azamatty qar qursaýynan shyǵardy, dep habarlaıdy QazAqparat.
Polıtsııanyń baspasóz qyzmetiniń málimetinshe, aýa raıynyń nasharlaýyna baılanysty Qostanaı oblysynyń keı joldarynda qozǵalys shektelgen.
«102» pýltine Qostanaı-Rýdnyı avtojolynda bir top adamnyń qar qursaýynda qalǵany týraly habar kelip tústi. Oqıǵa ornyna avtopatrýl men arnaıy tehnıka jiberildi. Rýdnyı qalasyna áýeli balalar, áıelder, zeınetkerler jáne múgedektigi bar adamdar jetkizildi. Qalaǵa kelgen soń barlyǵyna ystyq shaı berildi. Azamattar polıtseılerge kórsetken kómekteri úshin alǵystaryn bildirdi», - deıdi oblystyq polıtsııa departamenti baspasóz qyzmetiniń mamany Kenje Qonysbaı.
Jalpy 7 sáýir kúni oblysta 106 jol-kólik oqıǵasy tirkelgen. Onyń 48-i oblys ortalyǵynda boldy.
Aıta keteıik, keshe aýa raıynyń kúrt qubylýyna baılanysty Qostanaı, Lısakov, Rýdnyı qalalarynda kommýnaldyq qyzmetter toqtady.
