Qostanaı oblysynda 7-synyp oqýshysy joǵalyp ketti
RÝDNYI. QazAqparat – Rýdnyı qalasynyń polıtseıleri 16 qyrkúıek kúni joǵalyp ketken oqýshyny izdep jatyr, dep habarlaıdy QazAqparat.
Oblystyq polıtsııa departamenti baspasóz qyzmetiniń málimetinshe, 7 synyp oqýshysynyń joǵalyp ketkeni týraly16 qyrkúıek kúni saǵat 22:30-da habar kelip túsken.
«Anasynyń aıtýynsha, oqýshy mektepke ketip, sol kúıi oralmaǵan. Qazirgi ýaqytta izdeý jumystaryna Rýdnyı qalasynyń polıtsııa qyzmetkerleri jumyldyrylǵan. Sonymen qatar eriktiler de qosyldy», - dedi polıtsııa departamentiniń baspasóz hatshysy Irına Bejenar.
Іz-túzsiz joǵalǵan balanyń boıy – 150 sm, aryq deneli, shashy aqshyl tústi. Ol qara kók kýrtka, qara kúrteshe, aq kóılek, qara shalbar jáne qara aıaq kıim kıgen. Ózimen birge qara rıýkzak, qyzǵylt sómke bolǵan.
Polıtsııa taratqan málimet boıynsha, búgin saǵat 07:50 shamasynda oqýshy Kosmonavt dańǵylyndaǵy Operatsııalardy basqarý ortalyǵynyń kamerasynan kóringen. Tártip saqshylary, oqýshy týraly aqparat bolsa, 102 nómirine qońyraý shalýdy suraıdy.
