Qostanaı oblysynda 650-den astam adam ustaldy

NUR-SULTAN. QazAqparat - Qostanaı oblysynda 650-den astam adam ustaldy. Bul týraly Qostanaı oblysynyń komendanty Qaırat Dúısembekov málim etti, dep habarlaıdy QazAqparat tilshisi.

«Qostanaı oblysynda 650-den astam adam ustaldy. 220 adamǵa qatysty ákimshilik sot bolyp jatyr. Bul tulǵalar besten 15 táýlikke deıin ákimshilik qamaýǵa alynady. Sonymen qatar QR Qylmystyq kodeksiniń 269 baby «Ǵımarat, qurylys, habar jáne baılanys quraldaryna shabýyldaý nemese basyp alý» boıynsha tergeý júrgizilip jatyr. Qajetti tergeý is sharalary júrgizilgennen keıin olar qylmystyq jaýapkershilikke tartylady. Bul qylmystar úshin múlkin tárkileı otyryp 7 den 12 jylǵa deıin bas bostandyǵynan aıyrý túrindegi jaza kózdelgen», dep atap ótedi Qaırat Dúısembekov.