Qostanaı oblysynda 58 jastaǵy áıel iz-túzsiz joǵalyp ketti
QOSTANAI. QazAqparat - Qostanaı oblysynyń polıtseıleri 58 jastaǵy oblys turǵynyna izdeý saldy, dep habarlaıdy QazAqparat oblystyq polıtsııa departamentiniń baspasóz qyzmetine silteme jasap.
Fedorov aýdanynyń Fedorov selosynda turatyn Natalıa Vladımırovna Gorobets 24 jeltoqsan kúni tańǵy 08:00 shamasynda úıinen shyǵyp ketken.
Tártip saqshylary iz-túzsiz joǵalǵan áıelge qatysty málimetterdi jarııalady. Onyń boıy - 165-170 sm, iri deneli, shashy qysqa, qara tústi, kózi jasyl tústi.
Úıinen shyqqanda ústine qara tústi kapıýshony bar mamyq úlbir (pýhovık) men qara tústi shalbar, aıaǵyna qara etik kıgen.
Habar-osharsyz joǵalǵan áıel týraly qandaı da bir aqparat bolsa Fedorov aýdandyq polıtsııa bólimshesine habarlasyńyzdar. Baılanys nómirleri: 8(714-42) 2-18-58; 8-705-300-78-11, nemese «102» (qońyraý tegin).
