Qostanaı oblysynda 58 adam qar qursaýynan shyǵaryldy
QOSTANAI. QazAqparat – Qostanaı oblysynda táýlik ishinde qar qursaýynda qalyp qoıǵan 58 adamǵa kómek kórsetildi, dep habarlaıdy QazAqparat oblystyq TJD baspasóz qyzmetine silteme jasap.
«16 qańtar kúni Tótenshe jaǵdaılar departamentiniń jedel-qutqarý bólimi qyzmetkerleriniń kúshimen 3 júk kóligi jáne 18 jeńil avtomobıl qar qursaýynan shyǵaryldy. Barlyǵy 58 adamǵa kómek kórsetildi. Onyń ishinde 3 sábı bolǵan», - dedi vedomstvonyń baspasóz hatshysy Ýálıhan Dosanov.
TJD ókilderi oblys turǵyndaryn boran kúnderi barynsha saq bolýǵa shaqyrady. Sondaı-aq alys jolǵa shyqpaýǵa keńes beredi.
Buǵan deıin Qostanaı oblysynyń eki aýdany men bir qalasynda jaryq óship qalǵanyn jazǵan bolatynbyz.
