Qostanaı oblysynda 5681 adam 50 myń teńgeden kómek aldy
El aýmaǵynda engizilgen tótenshe jaǵdaıda áleýmettik jaǵynan az qamtylǵan azamattarǵa kómek kórsetý maqsatynda Elbasy Nursultan Nazarbaevtyń bastamasymen «Birgemiz» qoǵamdyq qory qurylǵan edi. Maqsaty – qazirgideı qıyn jaǵdaıda asa muqtaj jandarǵa materıaldyq turǵyda kómek kórsetý. Tólem alǵan jandardyń biri – qala turǵyny Marııa Pasekan. Ol úsh balany jalǵyz tárbıelep otyr. Balalarynyń kishisi – 1 toptaǵy múgedek.
«Balalarymdy jalǵyz ósirip-baǵýǵa májbúrmin. Kishisi DTsP dertiniń asa qaýipti túrine shaldyqqan. Osy rette Elbasynyń bastamasymen qoǵamdyq qor qurylǵanyn estidim. Ótinim berip kórdik. «Nur Otan» partııasynyń tizimine enip, esep-shotyma 50 myń teńge tólem tústi. Bul osyndaı qıyn sátte úlken qoldaý boldy», - deıdi Marııa Pasekan.
«Birgemiz» qoǵamdyq qory sheńberinde aımaqta «BirgemizQostanai» qory quryldy. Tóraǵasy Seraly Ahmetovtiń aıtýynsha, bir rettik materıaldyq kómek somasy 50 myń teńgeni quraıdy. Bizdiń oblysymyzda qordan kómek Qostanaı jáne Rýdnyı qalasy turǵyndaryna kórsetildi. Jergilikti atqarýshy organdar men jumyspen qamtý bólimderi az qamtylǵan otbasylardy tizimin jasaǵan.
«Búginde kómek alǵan azamattar sany 5681 adamǵa jetti. Az qamtylǵan kópbalaly otbasylarǵa, 1 toptaǵy múgedekterge, múgedek bala asyrap otyrǵan otbasylarǵa, halyqtyń áleýmettik osal toptarynyń tizimine engizilgen zeınetkerlerge, tul jetimderge osyndaı kómek kórsetildi. Bul jumystar jalǵasady», - deıdi qoǵamdyq qordyń tóraǵasy.
