Qostanaı oblysynda 5500 avtokólik tirkeýge alyndy
QOSTANAI.QazAqparat – Qostanaı oblysynda karantın rejımin jeńildetkeli 5498 avtokólik tirkeldi, dep habarlaıdy QazAqparat «Azamattarǵa arnalǵan úkimet» korporatsııasynyń Qostanaı oblysy boıynsha fılıalyna silteme jasap.
Qostanaı oblysynyń HQKO-lary 11 mamyrdan bastap jumysyn qaıta bastady. Mamandandyrylǵan halyqqa qyzmet kórsetý sektorlarynda karantın rejımi jeńildegeli beri 5498 avtokólik esepke qoıyldy.
«Búginde avtokólikti tirkeý rásimi Qostanaı qalasynyń halyqqa qyzmet kórsetý boıynsha mamandandyrylǵan bóliminde ǵana emes, sonymen qatar aýdandar men qalalarda da júzege asyrylady. Atap aıtqanda, Arqalyq, Lısakov, Jitiqara, Rýdnyı qalalary men Qarabalyq, Fedorov, Uzynkól, Áýelıkól jáne Qostanaı aýdandarynda jumys qyzyp tur. Oblys ortalyǵyna barmaı-aq, kólikti esepten shyǵarýǵa jáne tirkeýge bolady», - deıdi «Azamattarǵa arnalǵan úkimet» MK» KEAQ Qostanaı oblysy boıynsha fılıaly dırektorynyń orynbasary Shyńǵys Áshirbekov.
HQKO ashylǵan sátten bastap Qostanaı oblysynyń 2842 turǵyny júrgizýshi qujatyn aldy. Júrgizýshi kýáligin birinshi ret alatyndar praktıkalyq jáne teorııalyq emtıhandardy tapsyrý úshin Qostanaı qalasynyń HQKO bólimine kelýleri qajet. Qazirdiń ózinde 700-den astam adam emtıhan tapsyrýǵa ótinish berdi, onyń 400-den astamy teorııalyq emtıhan tapsyrdy, 240-y praktıkalyq bólimnen de ótken.
Aıta keteıik, Qostanaı qalasynyń halyqqa qyzmet kórsetý boıynsha mamandandyrylǵan bólimi avtomobıl júrgizýshilerin aldyn ala brondaý kezegi boıynsha ǵana qabyldaıdy. Kezekti Elektrondyq úkimet portalynda, Telegram bot arqyly, sondaı-aq 1414 nómiri boıynsha baılanys ortalyǵynyń keńesshilerine habarlasý arqyly alýǵa bolady. HQKO ǵımaratynda áleýmettik qashyqtyqty saqtaý, maska kıip, antıseptıkterdi paıdalaný qajet.
