Qostanaı oblysynda 54 shetel azamaty tutqyndaldy
«Qostanaı shekarasy» statsıonarlyq beketinde 53 Ózbekstan jáne bir Ázerbaıjan azamaty bar avtobýs toqtatyldy. Polıtsııa qyzmetkerleri qujattardy tekserý barysynda shetel azamattary Qazaqstan Respýblıkasynyń zańnamasyn buzǵany anyqtaldy. Olar elimizdiń aýmaǵynda tirkeýsiz júrse, keıbireýleriniń tirkelý merzimderi bitken. Ákimshilik quqyq buzýshylyq týraly isti Qostanaı mamandandyrylǵan ákimshilik soty qarady. Sot otyrysy barysynda Ózbekstan azamattary Astana qalasynda qurylysta jumys jasap, keıinnen aqsha tabý maqsatynda Chelıabınskige (Reseı) attanbaqshy bolǵandaryn aıtty. Elimizdegi shetel azamattarynyń erejesin buzǵandaryn zańnamany bilmeıtindigimen túsindirdi.
«Sottyń úkimimen sheteldik azamattar ákimshilik jaýapqa tartylyp, 1-den 5 táýlikke deıin ákmishilik qamaýǵa alyndy (baptyń sanktsııasy 15 táýlikke deıin qaralady)», - dep habarlady Qostanaı qalalyq prokýratýrasynyń prokýror bóliminen Aıdar Beknazarov.