Qostanaı oblysynda 53 adam mektep ashanasynan as iship, ýlanyp qaldy
QOSTANAI. QazAqparat - Qostanaı oblysynda mektep ashanasynan tamaq ishken 53 adam ýlanyp qaldy, dep oblystyq TJD baspasóz qyzmetine silteme jasap radiotochka.kz habarlady.
Baspasóz qyzmeti habarlaǵandaı, 16 qyrkúıekte Uzynkól №1 orta mektebinde ashanada tamaq ishken 53 adam ózderin nashar sezingendikten, Uzynkól kentindegi aýrýhanaǵa júgingen.
Atap aıtqanda, 47 bala jáne mektepte jumys isteıtin 6 oqytýshy zardap shekken. Olardyń ishinde 17 bala men 2 eresek adam tekserýden keıin jaǵdaıynyń jaqsarýyna baılanysty úılerine qaıtaryldy.
«Ýlaný saldarynan Qostanaı qalalyq ınfektsııalyq aýrýhanasyna 11 bala, Uzynkól aýdandyq aýrýhanasyna 23 adam jatqyzyldy, olardyń 19-y balalar, 4-eýi eresek adamdar», - delingen oblystyq TJD baspasóz qyzmetiniń habarlamasynda.
