Qostanaı oblysynda 500 oryndy jataqhana paıdalanýǵa beriledi – ákim
QOSTANAI. QazAqparat – Qostanaı oblysynda quny 1,5 mlrd teńge bolatyn 500 oryndy jataqhana salynbaq. Bul týraly aımaq basshysy áleýmettik jelide jazdy, dep habarlaıdy QazAqparat.
Oblys basshysy Arhımed Muhambetov Qostanaı̆ avtomobıl kóligi kolledjinde boldy. Munda qazir mashına jasaý salasynda mamandar daıarlaý josparlanýda. Buǵan deıin kolledjde stýdentterge tek teorııa júzinde dáris berilip kelgen-di.
«Jas maman» jobasy aıasynda jalpy somasy 320 mln teńgege kolledjdi zamanaýı oqytý quraldarymen jabdyqtaý jáne jalpy quny 1,5 mlrd. teńge bolatyn 500 oryndy jataqhana salý josparlanǵan. Kolledjge kúrdeli jóndeý júrgizýge jobalyq-smetalyq qujattamany ázirleýdi bastaý týraly tapsyrma berdim. Josparlanǵan jobalardy júzege asyrý boı̆ynsha is-sharalar belgilengen merzimde aıaqtalady», - dep jazdy óńir ákimi.
Jalpy, Qostanaı oblysynda 21 myńnan astam jas 8 joǵary oqý ornynda bilim alady. Osyǵan baılanysty 4 myńnan astam stýdenttiń jataqhanaǵa muqtajdyǵy baıqalady.
