Qostanaı oblysynda 500 ga alqap órtendi
QOSTANAI. QazAqparat - Naýyrzym aýdanyndaǵy 500 ga alqap órtendi, dep habarlaıdy QazAqparat QR ІІM Tótenshe jaǵdaılar komıtetiniń baspasóz qyzmetine silteme jasap.
Tótenshe jaǵdaı búgin Naýyrzym aýdanynan 15 shaqyrym jerdegi Aqbulaq aýylynda bolǵan.
«Saǵat 16:38-de ashyq alańdaǵy qurǵaq shóp janǵan. Órt Naýyrzym memlekettik tabıǵı qoryǵy aýmaǵynda tutanǵan. Jalyn jel ekpininiń áserinen jyldam taraldy. Órt shamamen 500 ga alqapty qamtyǵan. Aýyl turǵyndary men orman massıvine qaýip tóngen joq. Zardap shekkender joq», - delingen vedomstvo habarlamasynda.
Órt sóndirý jumystaryna tabıǵı qoryqtyń qyzmetkerleri qatysty. Oblystyq TJD jeke quramynyń 17 qyzmetkeri men 3 arnaıy tehnıkasy jumyldyryldy.
