Qostanaı oblysynda 5 jasar qyz terezeden qulap ketti
QOSTANAI. QazAqparat – Qostanaı oblysynda 2015 jyly týǵan qyz terezeden qulap ketti, dep habarlaıdy QazAqparat oblystyq polıtsııa departamenti baspasóz qyzmetine silteme jasap.
Oqıǵa keshe túnde Lısakov qalasyndaǵy kóp qabatty úılerdiń birinde bolǵan.
«Bes jasar qyz bala moskıt toryna súıenip turyp, ekinshi qabattaǵy terezeden tómen qulap tústi. Bala eresekterdiń qaraýynsyz bólmede jalǵyz qalǵan. Onyń Lısakov qalasynan ata-anasymen birge týystaryna qonaqqa kelgeni belgili boldy. Zardap shegýshi jabyq bas-mı jaraqaty dıagnozymen oblystyq balalar aýrýhanasyna jatqyzyldy», - deıdi polıtsııanyń baspasóz qyzmetindegiler.
Dárigerlerdiń málimetine súıensek, qyzdyń jaǵdaıy aýyr. Tótenshe jaǵdaı qyzmetkerleri ata-analardy balalaryn qaraýsyz qaldyrmaýǵa shaqyrady.
