Qostanaı oblysynda 5 jasar bala besinshi qabattan qulap ketti
QOSTANAI. QazAqparat – Qostanaı oblysynda 5 jasar bala terezeden qulap ketti, dep habarlaıdy QazAqparat oblystyq Densaýlyq saqtaý basqarmasynyń baspasóz qyzmetine silteme jasap.
Oqıǵa búgin saǵat 17.00 shamasynda Jitiqara qalasynda bolǵan. Bala úıdiń besinshi qabatyndaǵy balkonnan qulap ketken.
«Oqıǵa ornyna jetken feldsherdiń aıtýynsha, sábı qaraýsyz qalǵan. Terezedegi maskıt toryn basyp qalyp, tómenge qulap ketken. Qańqa súıekteri synbaǵan. Saǵat 17.09 kezinde statsıonarǵa jatqyzyldy. Qazir ol dárigerlerdiń qaraýynda», - dep habarlady vedomstvonyń baspasóz qyzmetindegiler.
Málim bolǵandaı, bala gúlzardyń ústine qulap, aman qalǵan. Qazir tekserý sharalary júrip jatyr.
