Qostanaı oblysynda 5 sáýirden bastap jańa qaýly kúshine enedi

NUR-SULTAN. QazAqparat - Qostanaı oblysynyń bas memlekettik sanıtarlyq dárigeri Ermuhanbet Dáýletbaev óńirde karantın sharalary týraly jańa qaýlyǵa qol qoıdy, dep habarlaıdy QazAqparat tilshisi.

Qostanaı oblysynyń bas memlekettik sanıtarlyq dárigeriniń 04.02.2021 jylǵy № 5 qaýlysyna ózgerister men tolyqtyrýlar engizildi. Qostanaı oblysynyń turǵyndary arasynda COVID -19 koronavırýs ınfektsııasynyń taralýynyń aldyn alý maqsatynda qaýly shyǵaryldy.

«1. «Shekteý karantındik sharalary jáne olardy kezeń-kezeńimen jeńildetý týraly» Qostanaı oblysynyń bas memlekettik sanıtarııalyq dárigeriniń 2021 jylǵy 4 aqpandaǵy № 5 qaýlysyna mynadaı ózgerister engizilsin 1-tarmaqtyń 25) tarmaqshasy mynadaı redaktsııada jazylsyn:

«25) 2020-2021 oqý jylynyń tórtinshi toqsanyndaǵy ruqsat:

- Oqýshylar sany 300-ge deıin, synyptardaǵy balalar sany 25 adamnan aspaıtyn qalalyq jáne aýyldyq mektepterde dástúrli formatta oqytý;

- synyptardaǵy balalar sany 25 adamnan aspaıtyn barlyq synyp oqýshylary úshin qalǵan jalpy bilim beretin mektepterde aralas formatta oqytý;

- bilim berý uıymy ákimshiliginiń sheshimi boıynsha 15 adamnan aspaıtyn toptarda oqýshylardyń sabaqtan tys ýaqytta jeke oqytylýy» delingen qaýlyda.

Sondaı-aq, 1-tarmaqtyń 37-1) tarmaqshasy kórermender zalyn 20%-ǵa deıin toltyrýmen sporttyq is-sharalardy ótkizýge ruqsat berilsin dep ózgertilsin delingen: « Kórermender zalyn 20%-ǵa deıin toltyra otyryp, Qazaqstan Respýblıkasynyń chempıonattary men respýblıkalyq jarystardy (biryńǵaı respýblıkalyq kúntizbe boıynsha) ótkizýge ruqsat berý» kerek. Osy qaýlynyń oryndalýyn baqylaýdy ózime qaldyramyn. Osy qaýly 2021 jylǵy 5 sáýir saǵat 00-00 bastap kúshine enedi» delingen qaýlyda.