Qostanaı oblysynda 5,2 mln gektar alqapqa astyq egiledi
QOSTANAI. QazAqparat – Qostanaı oblysynda 5,2 mln gektar alqapqa dán sebiledi, dep habarlaıdy QazAqparat oblystyq aýyl sharýashylyǵy basqarmasyna silteme jasap.
Bıyl óńirde tuqym baǵasy bir jarym ese qymbattaǵan. Buǵan qosa, pandemııa saldarynan shekara jabylǵasyn, qosalqy bólshek satyp alý da qıynǵa túsken. Osyndaı qıyn jaǵdaıda sharýalardy qoldaý úshin Qazaqstan Úkimeti tek osy óńirge kóktemgi egiske dep 21 mlrd teńge bóldi. Sonyń arqasynda Qostanaıdyń dıqandary dán sebý naýqanyn merziminde bastaýǵa daıyn.
«Bıyl egis naýqany oıdaǵydaı ótýi tıis. Óıtkeni Úkimetten qoldaý kóp. 71 myń tonna dızel otyny bólindi. Búginde oblysta Úkimet kómegin alýǵa 400-ge jýyq sharýa ótinim berdi. Bul jumys áli jalǵasyp jatyr. Jalpy bólingen qarjynyń 17 mlrd 300 mln teńgesin dıqandardyń alyp úlgerdi», – deıdi oblystyq aýyl sharýashylyǵy basqarmasynyń bas mamany Kenjeǵozy Jumandyqov.
Aımaqta barlyǵy 528 myń tonna tuqym daıyndalǵan. Jospar boıynsha osy jyly 5 mln 200 myń gektar jerge dán sińiriledi.
