Qostanaı oblysynda 49 áýe reısi toqtatyldy

QOSTANAI. QazAqparat – Qostanaı oblysynda 49 áýe baǵyty toqtady. Bul týraly agenttik tilshisi oblystyq Jolaýshylar kóligi jáne avtomobıl joldary basqarmasy basshysy Oljas Nurǵalıevten aqparat aldy.

Elimizde tótenshe jaǵdaılardyń (TJ) engizilýne baılanysty, 16 naýryzdan bastap Qostanaı oblysynyń shekarasy ýaqytsha jabyldy. Alaıda emdelýge shyǵýshylarǵa QR aýmaǵynda ruqsat etiledi.

«Azamattyq avıatsııa salasynda koronavırýstyń Qazaqstan Respýblıkasyna odan ári taralýyna jol bermeý maqsatynda 49 turaqty halyqaralyq reıs toqtatyldy. Onyń ishinde QHR, Iran, Frantsııa, Germanııa, Ázerbaıjan elderi bar. Oblystan ushatyn 84 áýe baǵyty qysqartyldy. 2020 jyldyń 21 naýryzynda «Aeroflot» avıakompanııasynyń ushaǵy Qostanaı qalasynyń áýejaıynan Máskeýge ushady. Bul - ázirge TJ ýaqytyndaǵy sońǵy halyqaralyq reıs bolmaq», - dedi Oljas Nurǵalıev.

Jospar boıynsha, Qostanaıdyń halyqaralyq áýejaıy 2020 jyldyń 22 sáýirinde ǵana qalypty jumysqa kóshedi.