Qostanaı oblysynda 400 shaqyrym avtojol aqyly bolady
QOSTANAI. QazAqparat –2020 jyldan bastap Qostanaı oblysy aýmaǵyndaǵy 400 shaqyrym jolǵa aqy alynady. Bul týraly agenttik tilshisine «Qazavtojol» AQ oblystyq fılıalynyń dırektory Andreı Gorvat aıtyp berdi.
«Búginde elimizde 11 myń shaqyrym joldy aqyly etý máselesi pysyqtalýda. Bul bizdiń oblysymyz arqyly ótetin «Batys Eýropa-Batys Qytaı» halyqaralyq tranzıttik dálizine tikeleı qatysty. Qazir jobalaý-smetalyq qujattama ázirlenýde. Kelesi jyldyń basynan oblystaǵy 400 shaqyrym avtojol aqyly bolady dep josparlanýda. Sol úshin 9 merdiger jol jóndeý jumystaryn tolyǵymen aıaqtaýy tıis», - dedi A.Gorvat.
Keler jyly Qostanaı joldaryn aýqymdy jumystar kútip tur. Oblystyq jáne aýdandyq mańyzy bar joldarǵa jóndeý júrgiziledi. 606 shaqyrym jol jóndelmek, 36 ýchaskeni qamtıtyn jobanyń jalpy quny – 20 mlrd teńge. Jóndelgen joldyń sapasyn tekserý úshin arnaıy komıssııa quryldy.
Al oblys ortalyǵynyń joldaryn jóndeý boıynsha bıyl 4 mlrd teńge ıgerilgen.
