Qostanaı oblysynda 400-ge jýyq jolaýshy qar qursaýynan qutqaryldy
QOSTANAI. QazAqparat – Qostanaı oblysynyń jedel qutqarý jasaǵy 18-20 aqpanda jolda qalyp qoıǵan 400-ge jýyq adamdy evakýatsııalady, dep habarlaıdy QazAqparat oblystyq TJD baspasóz qyzmetine silteme jasap.
Qostanaı oblysynda aýa raıyna baılanysty arnaıy top qurylyp, qutqarý jumystary júrgizilýde. 18-20 aqpan kúnderi oblysta júzdegen kólik qar qursaýynan shyǵaryldy.
«Qostanaı – Qarabutaq jolynda 97 júk kóligi men 15 jeńil avtokólik turyp qaldy. Jitiqara qalasy men Qamysty aýdanynyń ákimdigi qutqarý sharalarynan bólek, 104 kólik júrgizýshisi men jolaýshylarǵa ystyq tamaq uıymdastyrdy. 20 aqpan kúni Rıazanov aýylynda 2017 jyly týǵan sábı oblystyq aýrýhanaǵa jetkizildi. Eki kún ishinde jolda qalyp qoıǵan 400-ge jýyq adam evakýatsııalandy», - dedi TJD baspasóz qyzmeti.
Qutqarýshylar zardap shekken 2 azamatqa alǵashqy medıtsınalyq kómek kórsetti.
