Qostanaı oblysynda 40 adam karantınde jatyr

QOSTANAI.QazAqparat – Qostanaı oblysynda 40 adam karantınge alyndy, dep habarlaıdy QazAqparat.

Oblystyq taýarlar men kórsetiletin qyzmetterdiń sapasy jáne qaýipsizdigin baqylaý departamentiniń baspasóz qyzmeti málimet etkendeı, oblysta koronavırýs ınfektsııasyn juqtyrǵandar joq.

«Búgingi tańda oblysta 40 adam aýrýhanaǵa jatqyzyldy. TMD elderinen 177 adam, 1 «B» sanatyna jatatyn basqa elderden kelgen 19 adam úı karantınine alyndy», - dedi departamanttiń baspasóz hatshysy Sáýle Nurpeıisova.

Óńirde pandemııaǵa qarsy is-sharalarǵa tartylǵan dárigerlerge 241 mln teńge qosymsha tólenbek. Tıisinshe, aq halattylar kezekshilik boıynsha kúndiz-túni jumys isteıdi.

Jalpy ınfektsııaǵa qarsy sharalar úshin 695 tósek-oryn daıyndaldy.