Qostanaı oblysynda 381 tsıfrlyq ferma qurylady
Óńirde naqty eginshilik elementterin engizý, et, sút fermalaryn avtomattandyrý óndiris tıimdiligin arttyrýǵa múmkindik berip otyr. Bıyl aýyl sharýashylyǵy salasyn tsıfrlandyrýǵa ekpin túsirilmek. Qazir oblysta agroónerkásip keshenin tsıfrlandyrý 5 baǵyt boıynsha iske asyrylýda. Bular – naqty eginshilik, «aqyldy» et, sút fermasy, qus fabrıkasy men ózge de óndiristerdi avtomattandyrý.
«Aýyl sharýashylyǵy mınıstrliginiń tapsyrmasyna sáıkes, 2022 jylǵa deıin oblys aýmaǵynda 381 tsıfrlyq ferma qurylady. Bıyl tsıfrlandyrý sharalary boıynsha pılottyq joba ósimdik óndirisimen aınalysatyn 41 seriktestik ján iri qara ósirý isin qolǵa alǵan 33 sharýa qojalyǵynda júzege asyrylady. Eginshilik isinde zamanaýı agregattardy paıdalaný kózdelgen. Sonymen qatar, dıqandarǵa dán sińirýdiń ınnovatsııalyq júıesin qoldaný usynyldy. Bul rette, olarǵa memlekettik qoldaý sharalary jaqsy dárejede kórsetiledi», - delingen oblys ákiminiń baspasóz qyzmeti taratqan habarlamada.
Tsıfrlyq tehnologııalardy engizýdiń jemisin sharýalar kórip otyr. Máselen, naqty eginshilik elementterin engizý astyq túsimin 3 tsentnerden 5 tsentnerge deıin arttyrǵan. Dıqandardyń aıtýynsha, óndiris tıimdiligi jaqsaryp, janar-jaǵarmaı shyǵyny qysqarady.