Qostanaı oblysynda 38 kenshi asqazany qabynyp, aýrýhanaǵa tústi

QOSTANAI. QazAqparat - Medıtsına mekemelerine 39 adam ýlaný belgilerimen shaǵymdanǵan. 38 adam aýrýhanaǵa jatqyzyldy. 24 jumysshy Lısakovsk aýrýhanasyna, al 14 naýqas Qostanaı oblystyq aýrýhanasyna jaıǵastyryldy, dep habarlaıdy QazAqparat tilshisi Qostanaı oblysynyń Qoǵamdyq densaýlyqty saqtaý departamenti basshysynyń orynbasary ıÝrıı Sevostıanovqa silteme jasap.

«24-25 shilde kúnderi Krasnogor aýylyndaǵy Lısakovsk qalalyq aýrýhanasy men «Qazaqstan Alıýmınııi» AQ densaýlyq saqtaý pýnktine 39 adam kelgen. Naýqastardyń bastary aýyryp, júrekteri aınyp, qusqanymen qoımaı, 5-10 márte qaıtalap ishteri ótken. Saldarynan 24 adam Lısakovsk qalasynyń aýrýhanasyna jatqyzyldy, al 14 adam qalalyq aýrýhanaǵa tústi. Barlyǵynyń jaǵdaıy ortasha, asa aýyr jaǵdaıdaǵy naýqastar joq. Qazirgi ýaqytta ýlanýdyń sebepteri anyqtalyp jatyr», - dedi ıÝ. Sevostıanov.

Ýlanýdyń paıda bolý sebepterin anyqtaý úshin Densaýlyq saqtaý basqarmasy men departamenti arnaıy shtab qurdy. Olar oqıǵa bolǵan orynǵa baryp, dál sol kúni jergilikti ashanada taǵam daıyndaǵan adamdardy anyqtady.

Densaýlyq saqtaý departamentiniń Juqpaly jáne parazıttik aýrýlardy epıdemıologııalyq baqylaý bóliminiń basshysy Gúlim Dosymovanyń aıtýynsha, 38 adamnyń ishindegi 15 adamdy aýrýhanaǵa jatqyzý qajet emes-ti. Alaıda, naýqastardyń barlyǵy dárigerlerdiń tolyq baqylaýyna alyndy.

«Ázirge naýqastardyń barlyǵyna ótkir túrdegi asqazan men ishek qabynýy dıagnozy qoıylyp otyr. Bul juqpaly aýrý. Ondaǵan dıagnozdardan turady. Olar salmonellez, ótkir dızenterııa, aýyz vırýsy ınfektsııasy da bolýy múmkin.  Naýqastar taldaý tapsyrdy. Arnaıy  zerthanalyq zertteý júrgizilip jatyr», - dedi G. Dosymova.

Departamentte málim etkendeı, zerthanalyq taldaý nátıjesi eki kúnniń ishinde belgili bolady.

Eske salaıyq, buǵan deıin «Lısakovskide ornalasqan «Qazaqstan Allıýmınııi» AQ fılıalynyń Krasnooktıabr boksıt ken basqarmasynda 37 adamnyń ýlanǵany týraly habarlaǵan edik.