Qostanaı oblysynda 330 myń adam memleketten járdemaqy alady
QOSTANAI. QazAqparat – Qostanaı oblysynda 330 myń adam memleket járdemaqysyna ıe bolady. Bul týraly Qostanaı oblysynyń ákimi Arhımed Muhambetov qala jáne aýdan ákimderimen ótken selektorlyq keńes barysynda aıtty, dep habarlaıdy QazAqparat.
Oblys basshysy qazirgi ýaqytta turǵyndar men bıznesti qoldaý jóninde keshendi sharalar júrgiziletinin aıtty.
«Biz daǵdarysqa qarsy sharalardyń birinshi paketin iske asyrýǵa kirisip kettik. Endi el Prezıdentiniń keshegi málimdemesinde belgilengen halyq pen bıznesti qoldaý jónindegi tapsyrmalaryn oryndaımyz. Memleket basshysy zeınetaqy men memlekettik járdemaqyny, sonyń ishinde ataýly áleýmettik kómekti 10%-ke ındeksteýdi tapsyrdy. Respýblıka boıynsha azamattardyń tıisti sanattarynyń kiristerine 200 mlrd. teńge bólinedi. Nátıjesinde oblysta járdemaqy alýshylar sany 330 myńnan asty, onyń ishinde 136 myńnan astamy – zeınetker, AÁK alýshylar – 16 myńǵa jýyq adam», – dedi oblys ákimi», – dedi Arhımed Muhambetov.
Oblys ákimi bir rettik eń tómengi jalaqy kóleminde áleýmettik tólem alý úshin ózin-ózi jumyspen qamtyǵandar mártebesin qalyptastyrý boıynsha jumysty jalǵastyrý qajettigin atap ótti.
«Bul úshin jergilikti atqarýshy bılik atalǵan sanattaǵy azamattardyń mártebesin qalyptastyrady. Bizdiń oblysta mundaı sanattaǵy adamdar shamamen 18 myń adamǵa jetedi. Osydan keıin ǵana tótenshe jaǵdaı kezinde olar memleketten aı saıyn áleýmettik tólemder ala bastaıdy. Beıresmı tabystardy jasyrý faktilerine erekshe nazar aýdaryp, qalalar men aýdandar ákimderi áleýmettik tólemdi berýde muqııat bosyn. Halyqtyń muqtaj sanattaryn barynsha qamtamasyz etýdi tapsyramyn», - dep atap ótti aımaq ákimi.
Qazirdiń ózinde óńirde 723 adam járdemaqy alýǵa ótinish berdi. Sondaı-aq tegin azyq-túlik jıyntyǵyn alatyn azamattar sanattarynyń tizbesi keńeıtiletin bolady.
