Qostanaı oblysynda 300-den astam kúdikti raqymshylyqqa iligedi
QOSTANAI. QazAqparat - Qostanaı oblysynda «Qazaqstan Respýblıkasy Táýelsizdiginiń 25 jyldyǵyna baılanysty raqymshylyq jasaý týraly» zańǵa sáıkes, 300-den astam kúdikti tulǵalardyń qylmystyq tergeýin toqtatý josparlanýda, dep habarlaıdy QazAqparat tilshisi.
Olardyń arasynda - kámelet jasqa tolmaǵandar, jeńil jáne ortasha qylmystyq áreket boıynsha kúdikti bolǵandar bar. Bul týraly Qostanaı oblysy ІІD basshysynyń orynbasary, polıtsııa polkovnıgi Nýrıdın Daýylbaev Óńirlik kommýnıkatsııalar qyzmetinde ótken brıfıngte habarlady.
Daýylbaevtyń aıtýynsha, «raqymshylyq negizinen áleýmettik turǵyda álsiz top azamattaryn, kámeletke jasqa tolmaǵandardy, júkti áıelderdi jáne kámelet jasqa tolmaǵan balalary bar áıelderdi, qarttardy, múgedekterdi jáne usaq qylmys jasaǵandardy qylmystyq jazadan bosatýdy kózdeıdi».
Sonymen birge Daýylbaev atap ótkendeı, zań asa aýyr qylmys jasaǵan tulǵalarǵa raqymshylyq jasaýǵa tyıym salady.
«Bul krımınaldyq jaǵdaıdyń qıyndaý qaýpin seıiltedi», - dep sanaıdy Qostanaı oblystyq ІІD basshysynyń orynbasary. Bes jyl buryn, QR Táýelsizdiginiń 20 jyldyǵyna oraı, óńirde 908 adam raqymshylyqpen bosatylǵan edi.
