Qostanaı oblysynda 3 myń adam azyq-túlik sebetin aldy
Elbasy bastamasymen júzege asyrylyp jatqan #Birgemiz aktsııasy aıasynda «Nur Otan» partııasy oblystyq fılıalynyń tóraǵasy Arhımed Muhambetov dárigerlerge medıtsınalyq zattardy tabys etti. Oblys dárigerleri jalpy somasy 35 mln teńge bolatyn 7 myń arnaıy KN95 kásibı maskasyn, 3 myń bir rettik qorǵaý kostıýmderin jáne 120 ınfraqyzyl termometrin aldy. Bul bizdiń dárigerlerge koronavırýspen kúreste úlken kómek ekeni sózsiz.
Jalpy aktsııa aıasynda oblysta 3000 muqtaj azamat azyq-túlik sebetin aldy. Bul maqsatta 33 mln 480 myń teńge jumsaldy.
«Jalǵyz basty qarttarǵa, turmysy tómen kópbalaly otbasylarǵa, erekshe qajettilikteri bar azamattar men basqa da muqtaj jandarǵa áleýmettik paketterdi,annıseptıkter men maskalardy baılanyssyz úlestirý maqsatynda 20 mobıldi top quryldy. Top músheleri bıologııalyq qorǵanysh kostıýmdermen qamtamasyz etildi. Barlyq sanıtarlyq normalar saqtalǵan. Onyń ústine oblystyq fılıaldyń qoǵamdyq qabyldaý bólmesine, áleýmettik jelilerge ótinish kóptep túsýde. Árbir ótinishti biz jeke jeke qarastyryp,árbireýiniń sheshilýine zor mán beremiz. Sáýir aıynyń bas kezinen beri qabyldaý bólimine 2000 nan astam ótinish kelip túsken. Facebook.Instagram áleýmettik jelilerindegi resmı paraqshalarǵa kúnine 50-100 ótinish keledi. Eshbir azamattyń bergen ótinishi eleýsiz qalmaıdy», - dedi «Nur Otan» partııasy oblystyq fılıaly tóraǵasynyń orynbasary Eldar Kúzenbaev.
