Qostanaı oblysynda 3 avtokólik soqtyǵysyp, bir adam kóz jumdy

QOSTANAI.QazAqparat – Qostanaı oblysynda aýa raıynyń qolaısyzdyǵy saldarynan birneshe kólik soqtyǵysty, dep habarlaıdy QazAqparat.

Oblystyq Polıtsııa departamenti baspasóz qyzmetiniń málimetinshe, oqıǵa Qostanaı aýdany Ozernoe aýylynyń mańynda, Qostanaı-Ekaterınbýrg avtojolynyń 507-shi shaqyrymynda boldy.

«VAZ-2114» avtokóligin mingen 48 jastaǵy júrgizýshi rýlge ıe bola almaı qalyp, joldyń qarsy jolaǵyna shyǵyp ketken. Saldarynan Lada Largus jáne Suzuki avtokólikterimen soqtyǵysady. Jaraqattarynyń aýyrlyǵynan «VAZ-2114» júrgizýshisi oqıǵa ornynda kóz jumdy«, - dedi Polıtsııa departamentinen.

Sotqa deıingi tergeý amaldary bastalyp, oqıǵanyń mán-jaıy anyqtalýda.