Qostanaı oblysynda 291 adam karantınde jatyr
QOSTANAI. QazAqparat – Qostanaı oblysynda 16 adam karantınge jatqyzyldy. Bul týraly Qostanaı oblysy ákiminiń orynbasary Marat Júndibaev aıtty, dep habarlaıdy QazAqparat.
«Epıdemıologııalyq jaǵdaıǵa baılanysty óńirde ınfektsııaǵa qarsy is-qımyl úshin 1077 tósek-oryn daıyndaldy. Búginde oblysta 291 adam aýrýhanaǵa jatqyzylyp, dáriger baqylaýyna alyndy. Onyń ishinde provızorlyq statsıonarlarda – 99, karantındik statsıonarlarda – 163, ınfektsııalyq tósekte 29 adam bar.
16 naýryzdan bastap 63 adam statsıonarlardan COVID-19-ǵa teris nátıjeden keıin shyǵaryldy. Taǵy 113 adamdy shyǵarý josparlanýda», - dedi M.Júndibaev.
Óńirde úı karantınine 1 «b» sanatyndaǵy elderden (Chehııa, Portýgalııa, Fınlıandııa, Lıtva, Ulybrıtanııa, Túrkııa, AQSh, TMD elderi jáne respýblıkanyń qolaısyz óńirlerinen) kelgen 2124 adam ornalastyryldy. Emhana dárigerleri olardy qońyraý shalý arqyly qadaǵalaıdy.
Oblystyń medıtsınalyq uıymdarynda densaýlyq saqtaý mınıstrligi usynǵan 105 dári-dármektiń qory bar. Ol 3 aıǵa jetedi dep josparlanýda.
Medıtsınalyq jáne epıdemııaǵa qarsy is-sharalardy júrgizýge jergilikti bıýdjetten qosymsha 2,1 mlrd teńge bólindi. Buǵan medıtsınalyq jabdyqtar, dezınfektsııalyq quraldar, qorǵanysh kombınezondaryn, maskalar satyp alynady.
Buǵan deıin Qostanaı oblysynda bir adamnyń koronavırýs juqtyrǵanyn habarlaǵan edik.
Keıin onyń 23 naýryz kúni «Sharm-el-sheıh - Almaty» reısimen ushyp kelgeni belgili boldy .
