Qostanaı oblysynda 28 jastaǵy jigit joǵalyp ketti
QOSTANAI. QazAqparat - Lısakov qalasynyń turǵyny Igor Vasılenko iz-túzsiz joǵalyp ketti, dep habarlaıdy QazAqparat.
Igor Vasılenko 27 qańtar kúni Lısakov qalasyndaǵy úıinen shyǵyp ketip, oralmaǵan.
Týystarynyń aıtýynsha, ol ústine kók kýrtka kıip shyqqan. Basynda aq tústi «L,M» áripteri jabystyrylǵan bas kıim, kók shalbar jáne kók krossovka bolǵan.
Ol 1990 jyly týǵan. Boıy - 170 sm, orta deneli, shashy qara tústi. Sondaı-aq, keýde tusynda tyrtyǵy (shram) bar.
Aıta keteıik, eriktiler toby 5 aqpan kúni Qostanaı jáne Rýdnyı qalalarynyń tóńireginen joǵalyp ketken jigitti izdeýge shyǵady.
Rústem esimdi eriktiniń sózinshe, izdeýge atsalysatyn adamdar 9:00-de Qostanaıdaǵy «Avrora» saýda ortalyǵynyń jáne Rýdnyıdaǵy «Gornıak» sport kesheni mańyna jınalmaq.
Sondaı-aq, ol Igor Vasılenkoǵa qatysty qandaı da bir aqparat biletinderge 87084968408, 87476803086, 87767900888 nemese 102 telefondaryna habarlasýdy suraıdy.
