Qostanaı oblysynda 27 aýyldyń ataýy ózgerýi múmkin
QOSTANAI. QazAqparat - Qostanaı aýdanynda turǵyndaryń ótinishi boıynsha, aýyl ataýlaryn qazaqshalaý týraly jıyn ótedi, dep habarlaıdy QazAqparat tilshisi.
Aýyl turǵyndarynyń ótinishteri negizinde Semenovka jáne Borıs-Romanovka aýyldarynyń ataýy ózgerýi múmkin. Bul týraly Qostanaı aýdanynyń ákimi Qaırat Ahmetov málim etti.
Memleket basshysynyń 2017 jylǵy 28 aqpandaǵy tapsyrmasyna sáıkes, Qostanaı oblysynda ıdeologııalyq turǵyda eskirgen aýyl ataýlaryn ózgertý bastamalary qolǵa alyna bastady.
Aıta keteıik, búgingi kúni Qostanaı aýdanyna qarasty 53 eldi meken bar. Onyń nebári 14-i ǵana memlekettik tilde atalady. Arnaıy komıssııa 27 aýyldyń ataýy ıdeologııalyq turǵyda eskirgen dep tanydy. Aldaǵy ýaqytta olar qaıta atalýy múmkin. Komıssııa músheleri aýdandaǵy taǵy 12 aýyldyń ataýynyń maǵynalyq mańyzy joq dep sheshti.
«Ujymdyq ótinish boıynsha Semenovka aýylyn Qostumar dep ataý týraly usynys tústi. Sondaı-aq, Borıs-Romanovka aýylyn Pavlov dep ataý usynyldy. Keńes Odaǵynyń batyry Pavlovty barlyǵy biledi dep oılaımyn. Osyǵan deıin Zarechnyı kentindegi mektepke Ahmet Baıtursynov esimi berilgen edi. Davydenovka aýyly endi Eńbek dep atalady», - dedi aýdan ákimi.
Joǵaryda atalǵan eki aýyldyń ataýyn ózgertý týraly 17 qarashada jıyn ótedi.
