Qostanaı oblysynda 26 kólik qar qursaýynan shyǵaryldy
QOSTANAI. QazAqparat – Qostanaı oblysynda qar qursaýynda qalyp qoıǵan 65 adamǵa kómek kórsetildi, dep habarlaıdy QazAqparat oblystyq TJD baspasóz qyzmetine silteme jasap.
Qostanaı oblysynyń ońtústik aýdandarynda qalyń qardyń saldarynan kólikter jolda turyp qalǵan. Alaıda qutqarýshylar der kezinde jetip, birneshe kólikti qar qursaýynan alyp shyqty.
«Amangeldi aýdanynan 30 shaqyrym jerde, Dámdi aýylynyń tusynda 5 júk kóligi men 21 jeńil avtokólik turyp qalǵan. TJD jeke quramynyń arnaıy tehnıkalarynyń kómegimen atalǵan kólikter qardan shyǵaryldy. Barlyǵy 65 adamǵa kómek kórsetildi», - delingen TJD baspasóz habarlamasynda.
