Qostanaı oblysynda 25 dárigerge páter berildi
QOSTANAI. QazAqparat – Búgin Qostanaıda 25 dáriger oblys ákimi Arhımed Muhambetovtiń qolynan páter kiltin aldy, dep habarlaıdy QazAqparat.
2019 jyly oblys ákimdigi men «Qazaqstannyń ıpotekalyq kompanııasy «Ipotekalyq uıymy» AQ arasynda densaýlyq saqtaý qyzmetkerleri úshin 350 páter satyp alý týraly kelisim jasaldy. Turǵyn úıler «Nurly jer» memlekettik baǵdarlamasy aıasynda salynǵan.
«Qatysýshylarǵa satyp alý quqyǵymen jalǵa beriletin turǵyn úıdi berý 3 jyl ishinde júzege asady. Byltyr 350 páterdiń 54-i berilse, búgin 25 jas dáriger baspana kiltine ıe bolyp otyr. Ipotekalyq kompanııamen birigip atqaratyn jumystarymyz jeterlik. Aldaǵy ýaqytta mundaı múmkindik pedagogtarǵa da qarastyrylady», – dep atap ótti Arhımed Muhambetov.
Búgingi 25 páter dárigerlerge «ıÝbıleınyı» shaǵynaýdanyndaǵy №35 úıden berildi. Mamandardyń sózinshe, baspana sapaly turǵyzylǵan, qurylys materıaldary jergilikti óńirlerden alynǵan.
«Bizge ózge oblystardan jyl saıyn jas dárigerler keledi. Oblys ákimdigi birinshi kezekte pátermen qamtamasyz etedi. Áleýmettik paket tolyǵymen qarastyrylǵan. Olar páter alý úshin bastapqy jarnany tólemeıdi. Ótken jyly oblysymyzǵa 265 dáriger kelip, 146 maman baspanamen qamtamasyz etildi», – dedi Qostanaı oblystyq densaýlyq saqtaý basqarmasynyń basshysy Vıacheslav Dýdnık.
