Qostanaı oblysynda 24 jastaǵy jigit joǵalyp ketti
QOSTANAI. QazAqparat - Oblystyq polıtsııa departamentiniń baspasóz qyzmeti Qostanaı qalasynyń turǵyny Nıkıta Mılıaevtiń joǵalyp ketkeni týraly áleýmettik jelilerde jarııalanǵan aqparatty rastady, dep habarlaıdy QazAqparat.
Nıkıta Mılıaev 1994 jyly týǵan. Qaladaǵy úıinen 9 aqpan kúni shyǵyp ketip, sol kúıi habar joq. Búginde izdestirý jumystaryna eriktiler de qosyldy.
Polıtsııa joǵalyp ketken jigitke qatysty málimetterdi jarııalady. Úıinen shyqqanda onyń ústinde aq-sur jolaqty qara tústi bas kıim, qara-kók tústi kúrte, sport shalbary jáne qysqy aıaq kıim bolǵan.
Erekshe belgileri: jelkesinde 3-4 sm bolatyn tyrtyq, sol qolynda kúıik izderi bar.
Tártip saqshylary Nıkıta Mılıaevke qatysty aqparat biletin adamdar bolsa, 102 nómirine habarlasýyn suraıdy.
