Qostanaı oblysynda 24 jastaǵy qyzdy traktor basyp ketti
QOSTANAI. QazAqparat – Qostanaı oblysynda «K-700» traktory jaıaý júrginshini basyp óltirdi, dep habarlaıdy QazAqparat oblystyq polıtsııa departamenti baspasóz qyzmetine silteme jasap.
Oqıǵa Sarykól aýdanynyń Sarykól aýylynda bolǵan. Kýágerlerdiń aıtýynsha, jaıaý júrginshi qulaqqap kıgen.
«K-700» traktory 24 jastaǵy qyzdy basyp ketken. 54 jastaǵy traktor júrgizýshisi jol ústinde kele jatqan qyzdy kórmeı qalǵan. Jábirlenýshi aýyr dene jaraqaty saldarynan oqıǵa ornynda kóz jumdy», - delingen polıtsııanyń aqparatynda.
Osy derek boıynsha polıtsııa QR QK 345-babymen qylmystyq is qozǵady. Tergeý sharalary júrip jatyr.
ıllıýstratsııalyq foto