Qostanaı oblysynda 23 vagon relsten shyǵyp ketti
QOSTANAI. QazAqparat – Qostanaı oblysynda Qazanbasy-Apanovka baǵytynda júk poıyzy relsten shyǵyp ketti, dep habarlaıdy QazAqparat «QTJ-Júk tasymaly» AQ baspasóz qyzmetine silteme jasap.
Oqıǵa keshe saǵat 14:40-ta Qusmuryn-Tobyl ýchaskesiniń Qazanbasy-Apanovka baǵytynda bolǵan.
«Mashınıst lokomotıv manometriniń málimetine sáıkes vagondar arasyndaǵy aýa qysymynyń tómendeýine baılanysty shuǵyl tejeýdi qoldandy. 23 vagonnyń relsten shyǵyp ketkeni, relstiń túıispe jelisi, temirjol tireginiń zaqymdanǵany anyqtaldy», - delingen vedomstvonyń aqparatynda.
Belgili bolǵandaı, vagondar bos bolǵan. Lokomotıv saǵatyna 68-70 shaqyrym jyldamdyqpen júrip kele jatqan. Ýchaskedegi belgilengen jyldamdyq – saǵatyna 70 shaqyrym. Qazirgi ýaqytta osy fakti boıynsha komıssııa quryldy.
