Qostanaı oblysynda 200-den astam brakoner jazalandy
QOSTANAI. 9 qazan. QazAqparat - Qostanaı oblysynda «Brakoner» operatsııasynyń nátıjesinde tabıǵatty qorǵaý zańdylyǵyn buzǵany úshin 204 adam jaýapkershilikke tartyldy, 1 qylmystyq is qozǵaldy.
Tabıǵatty qorǵaý polıtsııasy qyzmetkerleri ustaǵan brakonerlerdiń ishinde kıikterdi zańsyz aýlaǵan Jangeldi aýdanynyń turǵyndary da bar. Qamysty aýdanynda, «Shaǵarkól» JShS ań sharýashylyǵynyń aýmaǵynda Qyzyl kitapqa engen, qustardyń sırek kezdesetin túri - baryldaýyq úırekterdi óltirgen Rýdnyı qalasynyń turǵyndary ustaldy.
ІІD baspasóz qyzmetiniń bergen málimetterine sáıkes, atalmysh operatsııany ótkizý barysynda 533 reıdtik sharalar júrgizildi, ań jáne balyq aýlaý sharýashylyqtarynyń aýmaqtarynda 766 ańshy men balyq aýlaýshylar tekserildi.
Aǵashtar pen kóshetterdi zańsyz kesken 18 adamǵa aıyppul salyndy, ań aýlaý erejesin buzǵan 82 adam jáne balyq aýlaý erejesin buzǵan 68 adam jaýapkershilikke tartylyp, olarǵa aıyppul salyndy. Sondaı-aq ańshylyq qarýdy saqtaý men alyp júrý erejesin buzǵan oblystyń 36 turǵyny jaýapkershilikke tartyldy.
