Qostanaı oblysynda 20 kólik qar qursaýynda qalyp qoıǵan
QOSTANAI. QazAqparat - Qostanaı oblysynda táýlik ishinde 20 kólik qar qursaýynan shyǵaryldy, dep habarlaıdy QazAqparat oblystyq TJD baspasóz qyzmetine silteme jasap.
«Arqalyq - Jezqazǵan tasjolynda kómir tıelgen KamAZ kóligi turyp qalǵan. Qutqarýshylar kólik júrgizýshisimen profılaktıkalyq is-sharalar júrgizdi. Alaıda, ol evakýatsııalaýdan bas tartqan. 5 naýryzda Arqalyq qalasy TJB bastyǵy KamAZ júrgizýshisiniń jubaıymen birge oqıǵa ornyna barǵan. Olar azyq-túlik jáne janar-jaǵarmaı alyp keldi. Munan soń KamAZ kóligi arnaıy tehnıkalardyń kómegimen Arqalyq qalasyna jetkizildi»,- delingen habarlamada.
Soltústik óńirlik aeromobıldi jedel-qutqarý jasaǵy 6 naýryz kúni Naýyrzym aýdanynyń mańynda birneshe kóliktiń turyp qalǵany týraly habar alǵan. Tótenshe jaǵdaı ornyna avarııalyq-qutqarý jumystaryn júrgizý úshin TREKOL tehnıkasynyń 2 birligi, KamAZ jáne SÓAJQJ 6 qutqarýshysy shyqty.
Qar qursaýynan 19 tehnıka shyǵarylyp, 36 adam qaýipsiz aımaqqa kóshirilgen.
Oblystyq TJD aýa raıynyń qolaısyzdyǵyna baılanysty alys jol júrýden ýaqytsha bas tartýdy usynady.
