Qostanaı oblysynda 20 adam karantınge jatqyzyldy
QOSTANAI. QazAqparat – Qostanaı oblysynda 1 «a» sanatyna kiretin elderden kelgen 20 adam provızorlyq gospıtalǵa jatqyzyldy, dep habarlaıdy QazAqparat.
Oblystyq taýarlar men qyzmetterdiń sapasy men qaýipsizdigin baqylaý departamentiniń baspasóz hatshysy Sáýle Núrpeıisovanyń aıtýynsha, COVID-19 koronavırýs ınfektsııasy órship turǵan elderden kelgen azamatta qatań baqylaýda.
«1 «a» sanatyna jatatyn Ispanııa men Germanııadan kelgen 20 Qazaqstan azamaty tirkeldi. Biraq buǵan úreılenýdiń qajeti joq, óıtkeni aımaqta koronavırýs juqpasy joq. Qazirgi ýaqytta olar Tobyl qalasyndaǵy provızorlyq gospıtalda jatyr. Jaǵdaılary qanaǵattanarlyq. Sondaı-aq, Shveıtsarııadan kelgen (1 «b» sanaty) 1 adam úı karantıninde. Al, ekinshi sanat boıynsha turǵylyqty jerinde ornalasqan jeti adamdy medıtsına qyzmetkerleri 14 kún boıy qońyraý shalý arqyly baqylap otyrady», - dedi Sáýle Núrpeıisova.
Jalpy Qostanaı oblysynda 695 tósek-orynmdy qamıtıtyn provızorlyq gospıtaldar ashyldy. Infektsııalyq statsıonarlar Qostanaı oblystyq aýrýhanasy men Rýdnyı qalalyq aýrýhanasynyń bazasynda ornalasqan. Al, syrttan kelgenderdi oqshaýlaýǵa arnalǵan provızorlyq statsıonar Tobyl qalasynda ornalasqan. Sondaı-aq, «Drýjba» sanatorııinde jáne Qarabaev ońaltý ortalyǵynda karantındik rezervter daıyndaldy.
«Reseı Federatsııasymen shekarada 8 sanıtarlyq-karantındik pýnkt quryldy. Onda táýlik boıy medıtsına qyzmetkerleri, epıdemıologtar jáne shekara qyzmetteri jumys isteıdi. Jalpy, óńirdegi jaǵdaı turaqty. Koronavırýs ınfektsııasyn juqtyrǵan adamdar joq», - dedi baspasóz hatshysy.
