Qostanaı oblysynda 2 bala gazdan ýlandy
QOSTANAI. QazAqparat - Qostanaı oblysynda kópqabatty turǵyn úıden órt shyǵyp, saldarynan 2 bala gazdan ýlandy, dep habarlaıdy QazAqparat.
Aqparatty oblystyq TJD baspasóz qyzmeti taratty. Oqıǵa Rýdnyı qalasynda bolǵan. 40 let oktıabrıa kóshesindegi 5 qabatty turǵyn úıdiń birinshi qabatyndaǵy páterden shyqqan tilsiz jaý 0,5 sharshy metr aýmaqty sharpyǵan. Saldarynan 6 jasar ul men 2 jasar qyz bala gazdan ýlandy. Olar birden qalalyq aýrýhanaǵa jetkizildi. Qyzyl jalyn órt sóndirýshiler kelgenge deıin sóndirildi.
