Qostanaı oblysynda 19 avtokólik joly jabyldy

QOSTANAI.QazAqparat – Qostanaı oblysynda qarly borannyń qaıta kúsheıýine baılanysty 19 avtokólik joly jabyldy, dep habarlaıdy QazAqparat oblystyq Tótenshe jaǵdaılar departamentiniń baspasóz qyzmetine silteme jasap.

«Qazir óńirde kúre joldarǵa tosqaýyl beketterin qoıý jumystary júrip jatyr. Departamenttiń daǵdarys ortalyǵynda jedel shtab quryldy. Aımaqta ortasha aýa temperatýrasy -19 gradýs, jeldiń jyldamdyǵy – 12 m/s, oblystyń barlyq aýmaǵynda qar jaýyp tur. Turǵyndardyń uıaly telefondaryna búgin jolǵa shyqpaý týraly habarlama jiberildi», - delingen TJD habarlamasynda,

Oblysta respýblıkalyq mańyzy bar – 6, oblystyq mańyzǵa ıe 13 avtokólik joly jabylyp, barlyq kólikterdiń qozǵalysyna shekteý qoıyldy. TJD mamandary kólik júrgizýshilerin alys jolǵa shyqpaýǵa, eldi mekender ishinde barynsha saq bolýǵa shaqyrady.

Eske salsaq, osy ýaqytta Soltústik Qazaqstan jáne Batys Qazaqstan oblystarynan shyǵatyn barlyq trassa jabyq tur. Sondaı-aq ózge birqatar óńirde jol ýchaskeleri jabyldy.