Qostanaı oblysynda 18 jastaǵy qyz joǵalyp ketti
ASTANA. QazAqparat - Qostanaı oblysynyń Zatobol kentinde 18 jastaǵy Darıa Mahartova úıden shyǵyp ketip, qaıtyp oralmaǵan, dep habarlaıdy QazAqparat alau.kz. saıtyna silteme jasap.
Darıa Mahartovanyń anasy qyzdyń jaqynda sportpen belsendi aınalysa bastaǵandyǵyn aıtady. 20 shilde kúni saǵat 22-00-der shamasynda Zatobol kentinen Qostanaıǵa qaraı júgirýge shyqqan qyz sodan qaıtyp oralmaǵan.
«Ol maǵan sý jylytyp qoı, kóp uzamaı kelem degen bolatyn. Men aldynda múmkin jol boıy bireýdi keziktirip qalǵan shyǵar dep asa qobaljı qoıǵan joqpyn. Óıtkeni ol Máskeýde oqıtyn, munda jaqynda ǵana kelgen. Alaıda túngi 03-00-der shamasynda úreılene bastadym. Baryp aryz jazdym. Iisshil ıt tek baǵdarshamǵa deıin ǵana ıis aldy. Dashanyń telefony óshken joq bolatyn. Telefon arqyly onyń «West» klýbyna qaraı ketkenin bildik. Polıtsııa qonaqúıdi teksergenimen ol jerden taba almady. Jertólelerdi de tekserý qajet pa edi?»,-deıdi qyzdyń anasy Olga Pokataeva.
Onyń jaǵdaıy qazir nashar. Qostanaılyqtardan eriktiler tobyna qosylyp, qyzyn izdeýge qolǵabys etýdi surap otyr. Eriktiler ormandy alqapty tekserip jatyr. Dashany izdestirýge adamdar jetpeıdi.
Joǵalǵan qyzdyń basty belgileri: boıy 1,65 sm, ortasha boıly, shashy ıyǵynan tómen túsip turady.
Darıa týraly qandaı da bir aqparat biletin adamdar myna telefonǵa habarlasa alady. 8-705-328-86-65 nemese 102
