Qostanaı oblysynda 18 mobıldi beket qoıyldy
Bul týraly Qostanaı oblysy Polıtsııa departamenti jergilikti polıtsııa qyzmeti basqarmasy bastyǵynyń orynbasary Vıtalıı Tsoı túsindirdi, dep habarlaıdy QazAqparat.
Vıtalıı Tsoı aımaqta karantındik sharalardy qatańdatýdyń qalaı júrgiziletini týraly túsinikteme berdi.
«Búgin Qostanaı oblysynyń bas sanıtarııalyq dárigeriniń qaýlysy jarııalandy, oǵan sáıkes oblys aýmaǵynda qosymsha shekteý sharalary júrgizilýde. Qaýly boıynsha turǵyndar Rýdnyı jáne Qostanaı qalalaryna emin-erkin kirip-shyǵa almaıdy. Oblysta osy baqylaýdy júzege asyratyn 20 sanıtarlyq beket jumys isteıdi. 17 qarashadan bastap oblys ortalyǵynda jáne Rýdnyı qalasynda aýdan turǵyndarynyń qozǵalysyn shekteý úshin ár aýdan aýmaǵynda 18 mobıldi beket qoıyldy. Bul qalalarǵa kirýge tek tranzıttik kólikterge ǵana ruqsat etiledi», - deıdi V.Tsoı.
Vıtalıı Tsoı aıtqandaı, Rýdnyı jáne Qostanaı qalalalarynan bólek, basqa aýdandar arasyndaǵy qozǵalys kedergisiz júredi. Barlyq aýdan-qalalardaǵy taksıdiń jumysy 22.00-den 6.00-ge deıin shektelgen.
