Qostanaı oblysynda 18 mamyrdan bastap karantın rejımi jeńildetiledi

Búgin oblys ákimi Arhımed Muhambetovtiń tóraǵalyǵymen koronavırýstyq ınfektsııanyń taralýyna jol bermeý jónindegi jedel shtabtyń otyrysy ótti.

Aımaq basshysy atap ótkendeı, búginde ınfektsııanyń taralýyna jol bermeý boıynsha barlyq sharalar qabyldanýda.

QR Bas sanıtarlyq dárigeriniń usynystary men óńirde qalyptasqan epıdemıologııalyq jaǵdaıdy eskere otyryp, Jedel shtab 18 mamyrdan bastap birneshe salanyń qyzmetine ruqsat beredi. Jitiqara qalasyn qospaǵanda karantındi jeńildetý úshin kelesi is-sharalarǵa ruqsat etiledi:

1. Maska kııý arqyly turǵylyqty mekenjaıynan shyǵýǵa;

2. Áleýmettik qashyqtyqty saqtaı otyryp, 3 adamnan aspaıtyn top nemese bir otbasy músheleriniń saıabaqtarǵa, alańdarǵa jáne skverlerge, oıyn-saýyq obektilersiz jaǵalaýlarǵa barýyna;

3. Bazarlardyń, sondaı-aq aýdany 2 myń sh.m. deıingi dúkender men saýda ortalyqtarynyń jumys rejımin 10:00-den 17:00-ge deıin ýaqytsha shekteý;

4. Sulýlyq salondary medıtsınalyq maska kıgen kelýshilerdi qabyldaıdy, jumys aldyn ala jazylý boıynsha júrgiziledi;

5. Halyqqa qyzmet kórsetetin baspahanalar, tigin ateleleri, aıaq kıim sheberhanalary, aıaq kıim, kıim jóndeý boıynsha servısterge;

6. Basseınderdi paıdalanbaı, monshalardyń, saýnalardyń (bir aýysymda 20 jýý ornyna deıin) jumys isteýine;

7. Mektepke deıingi uıymdardaǵy kezekshi toptardyń jumysyna;

8. «Klıentterge jetkizý jáne syrtqa shyǵarý» qaǵıdaty boıynsha qoǵamdyq tamaqtaný obektilerine;

9. Ashyq aýada sporttyq jattyǵýlarǵa;

10. Oblys densaýlyq saqtaý basqarmasynyń sheshimi boıynsha naýqastardy kezeń-kezeńimen josparly emdeýge jatqyzýǵa;

11. Saǵat 7.00-den 20.00-ge deıin shekteýli ýaqyt boıynsha qalalyq qoǵamdyq kóliktiń, sondaı-aq saǵat 7.00-den 21.00-ge deıin shekteýli ýaqyt boıynsha baý-baqsha qoǵamdaryna deıingi qoǵamdyq kóliktiń jumysyn qaıta jandandyrýǵa ruqsat etiledi;

12. Áleýmettik qashyqtyqty saqtaı otyryp, memlekettik organdardyń (uıymdardyń), keńselerdiń qyzmetine ruqsat etiledi, bul rette qyzmetkerlerdiń 50%-ne qashyqtan jumys isteý rejımi saqtalady.

«Oblystyń sanıtarlyq bas dárigeriniń qyzmetine ruqsat berilgen nysandardyń jumysyna ruqsat berý týraly tıisti qaýly qabyldaýdy tapsyramyn. Sonymen qatar, oblys aýmaǵynda qolaıly epıdemıologııalyq jaǵdaı bolǵan kezde aǵymdaǵy jyldyń 25 mamyrynan bastap oblys aýmaǵynda karantındi jeńildetý sharalary bekitiledi.​ Sanıtarlyq-epıdemıologııalyq salaýattylyq máseleleri turaqty baqylaýda. Engizilgen jeńildikterge qaramastan, barlyq ýákiletti organdar tarapynan oblys aýmaǵynda koronavırýstyq ınfektsııanyń taralýyna jol bermeý boıynsha jaǵdaıdy basty nazarda ustaımyz», – dedi Arhımed Muhambetov.

Sondaı-aq, oblys basshysy qalalar men aýdandardyń ákimderine Atyraý oblysynan kelgen «Teńizshevroıl» JShS qyzmetkerlerin karantındik statsıonarlardan shyǵarǵannan keıin turǵylyqty jerine deıin jetkizý men úı karantınin saqtaý jaǵdaılaryn baqylaýǵa alýdy tapsyrdy.

​