Qostanaı oblysynda 17 jasar qyz tórt kúnnen beri izdestirilýde

QOSTANAI.QazAqparat – Qostanaılyq polıtseıler 4 kún buryn joǵalyp ketken 17 jastaǵy boıjetkendi izdep jatyr, dep habarlaıdy QazAqparat tilshisi.

Oblystyq Polıtsııa departamentiniń baspasóz hatshysy Irına Bejenardiń aıtýynsha, 2003 jyly týǵan Arýzat Qurmanǵalıeva 30 qyrkúıek kúni úıinen shyǵyp ketip, sol kúıi oralmaǵan. Týǵan-týystary onyń joǵalǵany týraly tek búgin habarlaǵan.

«2020 jylǵy 4 qazan kúni Qostanaı aýdanynyń polıtsııa bólimine Zarechnyı aýylynyń turǵyny kelip, qyzynyń joǵalyp ketkenin aıtqan. Tártip saqshylary Arýzat Qurmanǵalıevaǵa izdeý saldy. Kámeletke tolmaǵan qyzdyń mekenjaıy týraly habary bar kez kelgen adamǵa «102» nómirine qońyraý shalýyn suraımyz», - deıdi Irına Bejenar.

Arýzat Qurmanǵalıevanyń ústinde sur tústi kýrtka, kók tústi djıns shalbary jáne krossovka bolýy múmkin.