Qostanaı oblysynda 17 jasar qyz iz-túzsiz joǵalyp ketti
QOSTANAI. QazAqparat - Qostanaı oblysy Lısakov qalasynda 17 jasar qyz izdestirilýde, dep habarlaıdy QazAqparat.
Denısov aýdanynyń turǵyny Mılıchenko Olesıa Vladımırovnanyń habar-osharsyz joǵalý deregi boıynsha Lısakov qalalyq ІІB-niń kezekshi bólimine 21 qazanda habarlama kelip túsken.
Ol 17 qazanda «Krymskoe - Lısakov» baǵytyndaǵy avtobýsqa otyrǵan. Sodan bastap eshqandaı habar joq. Týystarynyń aıtýynsha, ol buryn eskertýsiz eshqaıda shyqpaǵan.
Mılıchenko Olesıanyń ústinde ashyq jasyl kýrtka, kók tústi djıns shalbar jáne jasyl tústi aıaq kıim bolýy múmkin.
Bul fakt boıynsha polıtsııa qyzmetkerleri jedel-izdestirý sharalaryn bastady. Joǵalǵan qyz týraly áldebir aqparat bolsa, 102 nemese 8(7142-52-61-12, 52-61-11) telefondaryna habarlasýdy suraıdy.
