Qostanaı oblysynda 17 smart-ferma iske qosylmaq
Oblystyq aýyl sharýashylyǵy jáne jer qatynastary basqarmasynyń málimetine súıensek, tsıfrlandyrý jáne ınnovatsııalyq tehnologııalardy engizýdiń jyldyq jospary oryndaldy. Atap aıtsaq, egistiktiń 100%, jaıylymdardyń 83%, shabyndyq alqaptyń 95%-i tolyq tsıfrlandyryldy.
«Jalpy «Tsıfrlyq Qazaqstan» baǵdarlamasy sheńberinde naqty eginshilikti, et jáne taýarly sút fermalaryn tsıfrlandyrý jumystary sátti júrgizildi. 2022 jylǵa deıin oblysta naqty eginshilik boıynsha 192 ozyq jáne 16 tsıfrlyq ferma, mal sharýashylyǵynda 156 ozyq ferma jáne 17 smart-ferma bolady. Sondaı-aq, osy baǵdarlama sheńberinde aýyl sharýashylyǵy janýarlaryn ósirýge mamandanǵan 300 startap joba qurylady», - deıdi basqarmadaǵylar.
Bıyl Qostanaı oblysynda agroónerkásiptik keshendi odan ári damytýdyń mańyzdy baǵyty – etti mal sharýashylyǵy baǵdarlamasy iske asty. Tórt túlik basy kóbeıip, ónimniń barlyq túriniń óndirisi artty. Іri qara mal sany 458,5 myń, jylqy 122,9 myń, qoı men eshki 500,3 myń basqa jetti.
Aıta keteıik, ósimdik jáne mal sharýashylyǵy ónimderin óndirý men qaıta óńdeýdi ulǵaıtýdy qamtamasyz etý, eksporttyq áleýetti arttyrý maqsatynda osy jyly 2,7 mlrd teńgeniń 4 jobasy paıdalanýǵa berildi.