Qostanaı oblysynda 15 jasar jasóspirim sýǵa ketti

QOSTANAI. QazAqparat – Keshe keshki ýaqytta Tobyl qalasynda 15 jactaǵy jasóspirim sýǵa batyp ketti, dep habarlaıdy QazAqparat Qostanaı oblystyq densaýlyq saqtaý basqarmasynyń baspasóz qyzmetine silteme jasap.

Týystarynyń aıtýynsha, sýda júze almaıtyn bala tereń jerge deıin jetip, sýǵa batyp ketti.

Denesi tabylǵansha sýdyń astynda 40 mınýtqa jýyq ýaqyt jatqan.

«Medıtsına qyzmetkerleri saǵat 20:58-de shaqyrtyldy. Jedel járdem brıgadasy 21:05-te kelip jetken. Oqıǵa ornyna kelgen dárigerler balanyń denesin ózen jaǵasynan anyqtady. Ol kómek kelgenshe áldeqaıda buryn kóz jumdy. Reanımatsııalyq sharalar qabyldanǵan joq», - dep túsindirip ótti oblystyq densaýlyq saqtaý basqarmasynan.

Qostanaı oblysy densaýlyq saqtaý basqarmasy azamattardan kámelet jasyna tolmaǵandardy qaraýsyz qaldyrmaýyn suraıdy.

Eske sala ketsek, buǵan deıin Qostanaıda úsh bala sýǵa batyp bara jatqan er adamdy qutqarǵan bolatyn.