Qostanaı oblysynda 13 jańa jaǵajaı ashylady
Qostanaı oblystyq tótenshe jaǵdaılar departamenti bastyǵynyń orynbasary Azamat Órimbaevtyń málimdeýinshe, oblys aýmaǵynda shomylýǵa arnalǵan resmı 9 jaǵajaı bar, taıaý ýaqytta taǵy 13-i ashylady.
«Jyl saıyn ótkiziletin profılaktıka jumystaryna qaramastan oblystaǵy sý aıdyndarynda 18 adam sýǵa aǵyp ketti, onyń ishinde altaýy – kámeletke tolmaǵan balalar. 23 tamyzda taǵy eki qaıǵyly jaǵdaı boldy. Qostanaıda kishi kópirdiń mańynda jáne Rýdnyı qalasynda er adam sý batyp ketti. Keıbir sý aıdyndary shomylýǵa arnalmaǵan, sondyqtan arnaıy jabdyqtalmaǵan oryndarda shomylý jáne mas kúıde sýǵa túsý saldarynan adamdar ólip ketip jatyr. Balalardy da qaraýsyz qaldyrmaý kerek», - dep atap ótti A.Órimbaev.
Vedomstvo qyzmetkerleri qaıǵyly jaǵdaılarǵa qaramastan, qutqarý operatsııasyn belsendi júrgizip jatyr. Shomylý maýsymy bastalǵaly 17 adam, sonyń ishinde eki jasóspirim qutqaryldy. Sondaı-aq, turǵyndarǵa aqparat berý maqsatynda 473 eskertý belgisi men 62 aqparat taqtasy qoıyldy.
«Kúnniń aptap ystyǵy men adamdardyń sý aıdynynda jappaı shomylýyna baılanysty departament 4 mobıldi beket qoıdy. Ekeýi Qostanaı qalasynda jáne Jitiqara men Arqalyq qalalarynda bir-birden ornalastyryldy. Sondaı-aq, demalys kúnderi B.Maılın aýdanyndaǵy Qaratomar sý qoımasynda mobıldi beket jumys isteıdi», - dep túıindedi A.Órimbaev.
Avtory: Janna Musabaeva
